Get ekki beðið, er rétta orðið

Gerði lista  af gamni, yfir allt sem er mitt uppáhalds, á Íslandi, eða eins og ég sagði á facebook, fyrir þá sem ekki eiga svoleiðis....smá í anda Sound of music, ,,these are the few of my favorite things"
....þá var ég reyndar bara að tala um þrista og EvuKatrínu ***
...sem eru auðvitað -b-e-s-t-u-s-t- bæði tvö !!

Soðin fiskur er þar efstur á blaði, auk fisks í sósu, sem aðeins Hofgerðismenn kunna að laga fram af sinni stöku snilld. Jább þeir eru farnir að þekkja mig blessaðir félagarnir þegar ég kem korteri fyrir flug með fisklistann minn

 Fiskibollurnar þeirra eru líka aðal. Og þær eru klárlega á topp tíu listanum mínum yfir -TODO- á Íslandi, þó ég geymi alltaf nokkrar slíkar í frystinum mínum norska

Flatkökur með kæfu og skonsur með osti, sykurstertur eplasvali og ekta egils mix, og appelsín, tróna líka á toppnum. Formkaka og sjónvarpskaka hjá ömmu-aðal-mús, og réttur 65 á Nings. Hlakka líka mjög til að prófa nýja Tofu-réttinn þeirra. Kjúklingur frá Spar, nýjustu pizzunar frá Dominos bíða mín líka spenntar sem og bíópopp og nammiland. Hnetutoppur og kjörís beint úr vél, ýmist með daim eða peakanhnetum, allt eftir smekk. Marsípan vínarbrauð frá Lindarbakaríi og KFC ef ég er í skapi til að sukka.

Löns, bæði á Vegamótum og Iðuhús-sushi í bestustum félagsskap og kaffi á kaffitár, í Bankastræti. Rölt upp og niður laugarveginn og rútur með Rósu. Sumarbústaður með Ísfólkinu og deit með bestum mínum bjútís. Trítill Tásuson og trúnó með Beggu eru líka ofarlega á lista sem og óteljandi leikhúsferðir með Lárunni minni, og svo auðvitað kaffihúsa-spjall eftir sýningar langt fram á nóttu. Tónleikar og aðrir menningarviðburðir með múttu sín og kærleiksknús með Evu Katrínu yndisgulli. Próflokafögnuður á forsýningu Söngvaseiðs með elskulegri Önnu Sóley og afmælisfögnuður með öllum fallegu vinkonunum sem ég á. Vídjo-tjill og annað hversdags er svo samviskusamlega skráð á stefnuskránna fyrir utan gönguferðir í okkar elskulega elliðarárdal, gufu og pottatjill með Finninum mínum.
Kosningapartý, reunion með gamla Snælandsskóla-genginu og laumuferð á Kardemommubæinn, þrátt fyrir að salurinn sé uppbókaður út júní gera góða Íslandsdvöl jafnvel enn skemmtilegri. Jább gott að þekkja góða að í leikhúsinu, sem og annarstaðar

Jú svo þarf ég víst líka að heimsækja gamla vin minn, tannlækninn og taka nokkur próf, en hver er svo sem að telja

Bara það eitt að FLETTA mogganum, fær mig til að hrisstast úr spenningi. Bónusferðir eru líka óhugarlega heillandi, sem og Hagkaup, sem er náttúrulega bara aðal. Merkilegt alveg hvað hversdagsleikinn getur heillað, svona þegar hann er víðs fjarri.

....svo þegar ég kem aftur til norska verður sko ekki bara komið vor, heldur HÁ-sumar, svona í það minnsta ef norski stendur við sín loforð

Hafið það annars ósköp gott um páskana elskur ***
-held satt best að segja að Finnur ætli að drepa mig á öllu þessu áti sem hann laðar fram á hverjum degi, hver stórsteikin á fætur annari, eða kannski er hann bara svona klár að búa til veislumat úr naglasúpu

Fórum í langan göngutúr
-og skoðuðum ævintýrahliðar Sunndals
...þess má til gamans geta að undirrituð var einungis klædd í peysu, og hafði á nefi sér sólgleraugu !!
Ef það er ekki vorboði, þá veit ég ekki hvað

Hef fulla trú á því að nú fari hitastigið að rjúka upp, mældist mest 14 gráður, og fer ört hækkandi. Sjáum með þessu áframhaldi ekki fram á að geta sofið með sængur, og leitum því logandi ljósi af lökum, að hætti heitu landanna

Þurftum líka að verða okkur úti um gardínur, enda skín sólin, mjööög árla hér sterkum geislum sínum inn, svo snemma að Halla Elísabet er ennþá sofandi !!
Okkur líður vægast sagt eins og í ofurhvítri upplýstri tannlæknastofu, með sólina í augunum, og steikjandi hitann allt um kring
...ég lofa ég væli samt seint yfir hita, sumri og sól
Nema hvað, aftur að kraftgöngunni, sem tók rúma fjóra tíma, og geri aðrir betur
Fann út að Sunndal á líka Wisteria Lane, götu, svona eins og örvæntingafullu húsmæðurnar í samnefndum sjónarpsþáttum. Pant alveg eignast svoleiðis hús, -einhvern daginn

Tókum líka helling af myndum
...en læt bara fjórar flottustu fylgja með

Sjáum svona oft á dag
-snjóskriður, í beinni !!

"Niðará" Sunndælinga :p
...sé fyrir mér mjög kósý stað fyrir sólböð og fiskveiðar
Sést reyndar ekki á myndinni, en þarna er hægt að leigja sér litla veiðikofa, sem ýtir undir kenningu mína að það sé HÆGT að draga stráka með í sólböð, ef þeir fá veiðistöng til að leika sér með

Silver white winter that melts into spring
....these are the few of my favorite things !!
Jább ég er orðin svolítið innblásinn af Söngvaseiði

...að lokum, þessi áríðandi tilkynning...
Fyrsti fífill sumarsins er fundinn ***
-og skaut hann einmitt rótum í bænum mínum !!

Fengum gesti til okkar um helgina síðustu

Jóhann formann og frú
Teljum okkur í kjölfarið skotheld fyrir fjölskylduheimsóknum
...af því heimsóknarplaninu frá fjölskyldum okkar rignir ekki beint yfir okkur, þó vorið og sumrið séu alveg á næsta leyti, og leigusamningur slotsins okkar renni út í endaðan júní. 
Þið eruð léleg

Litla fjölskyldan frá Þrándheimi var stórgóð tilbreyting, og skemmtun frá okkar hljóðláta lífi í öllu íbúðarflæminu. Gerðum okkar besta í að sýnast góðir gestgjafar, sýndum þeim hverfið, -og þetta helsta, sem tekur sirka korter (djók) spiluðum Trivial og elduðum sannkallaðan jólamat, smá í anda páskanna samt. Horfðum á Disney myndir og bökuðum súkkulaðiköku og bananabrauð. Bara gaman. Þau sáu strax gallana í að búa á tveimur hæðum og strengdu þess hátíðleg heit að kaupa aldrei hús á tveimur hæðum. Eins og við erum farin að venjast því. Ég fæ meira að segja smá leikkonu-útrás, að láta röddina, heyrast, langar leiðir.
-ég er ekkert að grínast með það þegar ég segist vera jákvæð týpa

Erum samt alveg minnst að kvarta, höfum það svo fínt, í veldinu hér. Vildi samt óska að sumarið fari að láta sjá sig. Bíð þess með óþreyju á hverjum morgni og er alltaf jafn svekkt að sjá snjó og slyddu blasa við mér. Pfff.....finnst einhvern veginn í minningunni að sumarið hafi verið fyrr á ferðinni í fyrra. En get í það minnsta fullvissað sjálfa mig að sumarið VERÐUR komið þegar ég kem aftur hingað frá Íslandi. Sem styttist btw stöðugt í. Tíu dagar, -and counting. Ég er samt ekkert að grínast með það, en dagarnir á Íslandi plönuðust hraðar upp en ég náði að skrá herlegheitin inn í excel-forritið, sem ég skipurlegg tímann minn vanarlega í

Læt nokkrar gleðimyndir frá heimsókninni fylgja máli






Góðar stundir ***